臼井事件後續+生活小事

昨天讀報(am730免費報紙)﹐報紙說原來很多其他傳媒都錯用了一張由內地論壇流出"據稱是臼井儀人"而實際上是日本藝術家黑田征太郎的照片(一名肥胖/鬍鬚斑白的中年男人)﹐令很多人誤以為黑田是臼井本人﹐結果擺晒烏龍搞出大頭佛﹐真係令人啼笑皆非。
由於我一直在香港Yahoo新聞欄追看這件新聞﹐而Yahoo由始至終都是用了錯誤的照片作報導(據聞甚至TVB都係)﹐所以我也被誤導了﹐誤以為那肥大叔是臼井-___- 真係對唔住臼井先生=____=
而正確既臼井真人照﹐係一個看上去偏瘦﹑膚色健康﹑面孔年輕﹑眼睛小小既日本人~~
據報因為臼井生前極為低調﹐甚少有照片留出﹐所以傳媒才會擺如此烏龍云云~~~但係大陸論壇擺到明係謠言滿天飛架啦﹐真真假假﹐假假真真﹐由大陸論壇流出既野都可以盡信既﹖﹖香港既傳媒真係要檢討下~~~~
明明重好地地﹐無端端俾人以為死鬼左﹐阿黑田先生真係無奈囉~~~-__-


昨晚我經過弟妹房間﹐聽到妹妹說“..咩呀﹖.....一本普通既畫簿黎之嘛~~”
好奇入房睇下﹐邦邦剛好走左出去﹐坐係電腦前既妹妹手上正拿著一本無印良品notebook
睇真d﹐揭去封面度﹐咦﹐點解封面d公仔甘熟口面既﹖呢本咪係邦邦之前同女朋友寫既“愛之日記”黎﹖﹖
封面d公仔依然甘靚﹐但係旁邊個d“愛之日記”“To紫晴”(女朋友名字)之類既字眼﹐已經俾油性筆重重刪到見不著半點痕跡
揭去內頁睇下﹐之前貼左係封面內既戲飛(初次約會紀念品)被撕走晒
而個d寫滿情話﹑畫滿溫馨公仔既內頁亦都不翼而飛。。。。
剩低既只係一頁頁空白既白紙
毫無疑問﹐邦邦將之前記錄左佢同女朋友點點滴滴既頁數全部撕走了
然後將本notebook當成係一本普通notebook俾左妹妹用

其實....我偷睇過入面既內容....
因為邦邦係天津讀書﹐個女朋友 可能寂寞難耐吧 後來同左另一個一齊....
從日記既內容黎睇﹐邦邦好傷心﹐本日記寫到後期 其中一頁重有幾滴水印(我諗係眼淚...)
呢段感情由2/14前幾日開始 情人節個日個女仔重整左chocolate俾佢同我地食
估唔到半年都未夠 就散左

我唔知邦邦佢甘做 是否即係代表佢徹底放低呢段感情
不過佢甘做都好合乎佢既性格 處理得非常乾脆
拋棄舊物一點不留手.....

我諗﹐對佢黎講都係好既~~~
雖然呢段係失敗既感情﹐但係甘樣拋棄晒過去﹐以後想有d野回味都無囉....
可能男仔就係甘啦~~~


另外﹐就在剛剛﹐妹妹又去台灣工幹(其實係帶貨)了~~~
She didn't know she will need to go to Taiwan until this morning.
可想而知係幾甘suddenly~~~

本來佢訓緊覺聽電話既時候rainbow(佢公司阿頭)同佢講話聽日先去既
後尾又話今晚

點知過左陣又打黎﹐再話今日中午即刻去(打黎個陣都10點幾11點啦...)﹐重話機票都改埋啦﹗﹗(言下之意即係你唔去都唔得~~~-___-)
妹妹即刻急急腳梳洗執行李。。。。真係慘TvT
rainbow重要指定要帶兩個大gip﹐甘屋企得番一個空既大gip嘛。。。。
於是夾硬要將我用黎放衫既一個大gip執空俾佢帶過去
個gip塞到滿晒架嘛大佬﹐無端端要執返d野出黎
執到我身水身汗
正一多事老虔婆﹗﹗=皿=

尋日個rainbow先玩完妹妹黎~~
話說rainbow前幾日係台灣返黎﹐帶左盒小小既鳳梨酥話係聖元哥送俾妹妹既手信~~
點知尋日妹妹係MSN同聖元講多謝﹐先知原來盒野唔係聖元送﹐係rainbow自己買-皿-
妹妹當堂火都黎丫
話rainbow玩佢﹐好過份.....
我尋日重叫佢唔好嬲啦 forgive her云云....(唔想佢為呢件事唔開心)
今日即刻叫妹妹“唔好forgive her呀”﹗﹗﹗=皿=
我地同聲同氣話“唔會forgive her”~~~~﹗=皿=



尋日download左NDS既心跳回憶2﹐妹妹帶左過去玩咯~~~
有得追2入面既靚仔(her target is 針谷)﹐都唔知幾鬼開心。。。
我就麻麻...無咩興趣玩啦(攤手)

呀重有﹐妹妹因為星期日剪左頭髮﹐前面d劉海彎左﹐前日買左個直髮夾~~~
等我得閒試下先~~~效果好既話 第日再買過曲髮夾~~~
甘就曲直隨意啦-v-