又俾阿媽勸我去做會計~~

人生就係咁﹐總會有人逼你做一些你唔想做又唔適合做既野。。。。
正因為如此﹐我要將排斥我諗法既力量化成動力~~~變做追求自己目標既反作用力~~~
越係唔俾我做﹐就越要做俾佢睇﹗﹗
而且要做得好﹗﹗做得有成就﹗﹗﹗
俾佢睇下我既才華﹗等佢知道佢差d埋沒左一個天才﹗﹗(嘩~~太自大啦~~我都有d頂唔順~~)


我唔做會計係“非不為也﹐實不能也”嘛~~~~
我以前中學開始就係咁﹐見到會計科﹐雖未至於驚﹐但係都好頭痛~~~~
會計成績又麻麻﹐會考時重要特登去學姐Tracy個度惡補一下~~~~
每次校內考試成績都係47﹑50幾咁。。。。中文科我都有d信心丫﹗﹗
我真係唔想做會計呀 ToT

雖然比起打雜﹑麥當勞個d辛苦工﹐齋坐office既會計員係好舒服。。。。
但係會計的確唔係我杯茶嘛

我地既老師Clive﹐之前有次上堂既時候都有用英文教過我地(大意)﹕
“以後搵工﹐搵一份你自己感興趣或者你能樂在其中的工作﹐
因為這樣最少你工作得快樂﹐而又願意put effort落份工度﹔
而且當你樂意努力去做一份工既時候﹐往往會有很好的回報和成就。
要是你勉強自己去做自己不喜歡的工作﹐你會很miserable﹐而你亦會影響到身邊的人都會很miserable。”

我那時頓覺開竅了﹐決心以後要做自己喜歡的工作。
雖然我這個NEET(前幾天剛從Lemonjam那裡學來的新詞)好像沒資格說這樣偉大的門面話﹐但我希望我是真的能把握住自己的夢想。
而我的夢想﹐很簡單﹐就是能做一份自己能enjoy的工作。到底是甚么工作﹐還沒有具體的想法﹐暫時dream job是珠寶Designer。

偶然也會發夢當空姐﹐在機上偶然邂逅個貌似Ben Barnes的帥哥﹐從此共度余生。。。。(喂﹗發完夢未﹗)
但是我的尊容。。。。又不是國色天香﹐更懶得護膚保養﹐偶然出暗瘡的油性皮膚有礙觀瞻﹐怎去與眾多天生麗質的港女佳麗爭研鬥麗﹖﹖
再說我英語也不是說得特別好﹐脾氣更是生人勿近﹐投身服務性行業﹐實太難為我的customer了﹗

有時睇報紙d明星能享受鎂光燈往身上閃個不停的特殊待遇﹐又會發下明星夢﹔不過我可以做咩明星﹖分明唔係賣樣個type啦~~香港靚女周街大把~~~~歌星﹖比起singing﹐我對作曲更有興趣﹔況且我既鵝公喉﹐唔知邊位又會對我既歌聲有興趣﹖

雖說目前目標是珠寶Designer﹐爭取成為另一個Cartier御用既香港珠寶Designer﹔但係據上次係東匯城Guess Outlet偶然重遇既靜兒所講﹐佢有朋友讀完珠寶Design﹐都唔係做珠寶呢行。。。。又話Design呢行係香港好惡做(佢自己讀緊shop window design﹐好特別既一科...)﹐成日OT﹐人工又唔係真係好多(她說只有萬零二萬/month)。。。。臨走前佢主動俾左張寫左聯絡資料既紙仔我﹐返到屋企add左佢MSN﹐但係好少見佢online﹐睇黎有必要得閒約佢出黎食下飯了解下行情先得~~~

呢幾日聽農夫既“舉高隻手”﹐其中個句“你細個發既夢﹐當發夢﹔你無膽豁出去捉緊佢”
“所以你翻緊嗰份工唔係你嘅興趣﹐身邊嗰個人唔係你最愛嘅伴侶﹐生到成竇仔女　先至識得後悔　午夜望回流下兩滴淚水”
好應 = =
希望我唔會咁樣 = =

呢兩日領悟左樣野﹐可能因為細細個就比阿媽成日羅黎同人比較﹐人地d女幾叻幾叻﹐你就唔得....之類﹐為左反駁﹐我會羅其他衰過我既人黎講﹐黎反駁。
所以見到有人衰過我﹐能力比我差一d﹐成績無我好﹐我都會自高自大﹐覺得自己其實好勁。
但係﹐最近發現﹐“人比人﹐比死人”﹐要搵比我差﹑比我頹廢﹑比我更無大志既人﹐世上一定有囉。
但係﹐比我叻﹐比我聰明﹐比我識諗既人﹐亦都大把。
既然係咁﹐我點解要羅d唔掂既人黎彰顯我自己既好﹖﹖好井底之蛙。
同個d吸毒雙失青年比我係好好﹐最少我乖﹐心地尚算純品。(呃...有d想嘔)
但係同我一樣年紀﹐亦有人讀緊哈佛/劍橋/牛津﹐一出黎年薪千萬﹐更甚者已經識左個好好既男朋友準備結婚。
對住吸毒雙失青年﹐我暗自慶幸我沒有淪落至此﹔對住同年紀又讀緊名校既人﹐我心生羨慕之情。
不論係鄙視定係羨慕人地﹐呢d都係人之常情﹐但係我最終都要講句﹐咁又點﹖
人地既事與我何干﹖﹖“一樣米養百樣人”﹐人與人之間既差異本身就係好大。
依家既問題係﹐我自己點樣﹖
我有無盡可能咁發揮我既潛能﹖﹖﹖
我有無做好我自己﹖﹖
我發現到自己既潛質未﹖﹖﹖向邊個方向行﹖﹖﹖呢個先係當前大問題。
我要記住﹐即使我淪落到要做麥當勞﹑7仔﹐比我差既人依然有大把。(比如NEET)
淨係識羅d比自己不濟既人黎自我安慰係根本無用。